İtaliya daxili işlər naziri Roberto Maroni  Avropa Birliyi ölkələri daxili işlər nazirlərinin Lüksemburqdakı toplantısında iştirak edib

İtaliya daxili işlər naziri Roberto Maroninin ölkənin Avropa Birliyində qalıb-qalmaması üzərində düşünmək lazım olduğu barədə fikirləri Apennin yarımadasında mübahisələrə səbəb olub.

Maroni bazar ertəsi Avropa Birliyi ölkələri daxili işlər nazirlərinin Lüksemburqdakı toplantısında iştirak edib. Orada İtaliya AB-dən Şimali Afrika qanunsuz mühacirləri məsələsinin həllində dəstək ala bilməyib.

«Bu görüş məni məyus etdi. İtaliya tək qaldı... Ortaya sual çıxır, Avropa Birliyinin bir hissəsi olaraq qalmağı mənası varmı», deyə Maroni bəyan edib.

İtaliya Almaniya, Fransa, Belçika, Niderland və Lüksemburqla birgə Avropa Birliyinin yaradan ölkələrdən biri olub.