“Fəaliyyətimizlə fəxr edirəm”

Parlamentin aprelin 8-dəki iclasında deputatlar - Azay Quliyev, Fəzail Ağamalı və Elman Məmmədovun Xankəndində inşa olunan aeroportla bağlı mövqeyinə görə ABŞ-ın Azərbaycandakı səfiri Metyu Brayzanı ermənipərəst adlandırımsına səfirdən cavab gəlib. 
«Mənim üçün bir diplomat kimi sülhə nail olmaqdan daha vacib heç bir məqsəd yoxdur”- deyən M.Brayza karyerasının ən dəyərli cəhətinin Cənubi Qafqazda sülhə nail olmağa kömək etmək üçün göstərdiyi səylər olduğunu bəyan edib: “Birləşmiş Ştatlar Dağlıq Qarabağ münaqişəsinin bitərəf vasitəçisi kimi güclü nüfuza malikdir. Mən Minsk Qrupunun həmsədiri qismində göstərdiyimiz fəaliyyətlərlə çox fəxr edirəm. Tərəflərin hər birinin qarşı tərəfin təxribatçı hesab etdiyi addımlardan çəkindiyi bir vaxtda, biz mülki təyyarələrin planlaşdırılan üçüşları ətrafinda yaranmış vəziyyətdəki gərginliyin azalmasını görməkdən məmnunuq.

Bu cür düşüncəli davranış münaqişənin bizim nail olmaq istədiyimiz sülh və danışıqlar yolu ilə nizamlanma perspektivlərini yalnız irəli apara bilər».