Simsar.az | bizi özünüzə Simsar bilin
Qarsdakı abidə artıq sökülür

Qars bələdiyyəsinin tenderi başa çatıb

Türkiyənin Qars vilayətində 30 metr hündürlüyündə və 700 ton ağırlığında olan “Türk-Erməni Dostluğu” abidəsinin söküləcəyi vaxt açıqlanıb. Simsar.az Türkiyə mətbuatına istinadən verdiyi məlumata görə, abidənin sökülməsi üçün Qars bələdiyyəsinin martın 7-də elan etdiyi tender başa çatıb. 

Tenderə 225 min lirəlik təkliflə qatılan “Gensa” firmasından tələb olunan məbləğin niyə az olması soruşulsa da, şirkət rəsmiləri bu salı cavabsız qoyublar. Ona görə də Qars bələdiyyəsi 272 min lirə istəyən “Avşin İnşaat” şirkətini tenderin qalibi elan edib. Tenderin nəticəsi ilə bağlı digər şirkətlərdən şikayət ola biləcəyini nəzərə alan bələdiyyə 1 həftə ərzində etirazları gözləyəcək. Əgər etiraz gəlməsə, “Avşin İnşaat” abidənin sökməyə başlayacaq.

Təxminən 15 gün ərzində abidə hissələrə bölünəcək, ərazidən götürüləcək. Abidənin olduğu yer abadlaşdırıldıqdan sonra Milli Əmlak Müdirliyinə təhvil veriləcək.

7 Aprel, 2011  20:26 Baxılıb: 1291

Bu bölmədə