Olimpiya çempionu Avropa çempionu olmağa hazırlaşır

Aprelin 21-də Türkiyənin İstanbul şəhərində start götürəcək cüdo üzrə Avropa çempionatı üçün Azərbaycan milli komandasının heyəti açıqlanıb.

Azərbaycan Cüdo Federasiyasının mətbuat xidmətindən Simsar.az-a verilən məlumata görə, nüfuzlu yarışda ölkəmizi baş məşqçi Ağayar Axundzadə, məşqçilər Hacıağa Hacıəhmədov və İbadulla Şahbanovun rəhbərliyi altında 13 cüdoçu təmsil edəcək.

Kişilərin mübarizəsinə İlqar Müşkiyev (60 kq), Tərlan Kərimov, Samir Dadaşzadə (hər ikisi 66 kq), Renat Mirzəliyev, Ramil Qasımov (hər ikisi 73 kq), Elnur Məmmədli, Elxan Rəcəbli (hər ikisi 81 kq), Elxan Məmmədov (90 kq), Elmar Qasımov, Sain Məmmədov (hər ikisi 100 kq), Emil Tahirov (+100 kq) qatılacaq. Qadınların yarışında isə Kifayət Qasımova (57 kq) və Ramilə Yusubova (63 kq) çıxış edəcək.

Qeyd edək ki, Avropa çempionatına aprelin 23-də yekun vurulacaq.