Simsar.az | bizi özünüzə Simsar bilin
Qəddafi göründü və yoxa çıxdı

Qəddafi  hətta müsahibə də verib

Liviya lideri Müəmmər Qəddafi martın 22-dən sonra ilk dəfə görüntülənib. 

Simsar.az-ın “haberturk.com” saytına istinadən verdiyi məlumata görə, Müəmmər Qəddafi martın 20-də paytaxt Tripolidə raket zərbəsinə tuş gələn evindən çıxıb və tərəfdarlarını salamlayıb. Liviyaya qarşı hava əməliyyatlarının başladığı 19 mart tarixindən sonra gözə dəyməyən Müəmmər Qəddafinin oğlu Seyf əl-İslam isə Tripolidə xarici ölkə jurnalistlərinin qaldığı bir oteldə BBC telekanalına müsahibə verdikdən sonra yenə ortadan yox olub. 


Liviya hökumətinin sözçüsü Musa İbrahim seçki və ya referendum kimi hər cür siyasi mövzunu müzakirə etməyə hazır olduqlarını, Müəmmər Qəddafinin iqtidardan uzaqlaşdırılması məsələsinin isə müzakirə mövzusu olmayacağını söyləyib: “Qərb Liviya xalqına nə etməsi gərəkdiyini söyləyə bilməz. Məsələn, niyə Qərb ölkələri Müəmmər Qəddafinin hakimiyyətdən getməsi məsələsinə Liviya xalqının qərar verməli olduğunu söyləmir?”

Musa İbrahim İtaliyanın Benqazidəki qiyamçıları tanımasından da üzüldüklərini bildirib.

5 Aprel, 2011  16:27 Baxılıb: 1237

Bu bölmədə