Axtarışlar nəticəsində partlayıcı qurğu və şübhəli əşya aşkar edilməyib

Bakı şəhəri, Yasamal rayonu ərazisində Azərbaycan Dövlət Nəşriyyatının yerləşdiyi binaya partlayıcı qurğu yerləşdirilməsi barədə məlumat daxil olub.

FHN-nin rəsmi saytına istinadən Simsar.az bildirir ki, dərhal Fövqəladə Hallar Nazirliyinin müvafiq xilasetmə qüvvələri axtarış-xilasetmə tədbirlərinin görülməsi üçün hadisə yerinə cəlb edilib, aidiyyəti qurumlar məlumatlandırılıb.

Xilasedicilər binada olan insanların təhlükəsizliyini təmin edib və Nazirliyin mütəxəssisləri hüquq-mühafizə orqanlarının əməkdaşları ilə birgə binada axtarış işləri aparıblar. Axtarışlar nəticəsində partlayıcı qurğu və şübhəli əşya aşkar edilməyib. Əməliyyat saat 22:30-da başa çatıb.