Stokholm Sülh Təhqiqatları İnstitutu 2006-2010-cu illərdə silah satışı ilə bağlı apardığı araşdırmanın nəticələrini açıqlayıb

Simsar.az-ın “mignews.com” saytına istinadən verdiyi məlumata görə, son 4 ildə dünyada ən çox silah alan ölkə Hindistan olub. 

Dünya üzrə satılmış silahların 9 faizini Hindistan alıb. Hindistana ən çox silah satan ölkə 82 faizlik göstərici ilə Rusiyadır. Ekspertlər Hindistanın çox silah almasının səbəbini Pakistanla arasında olan konfliktli situasiya və Hindistan-Çin rəqabəti ilə əlaqələndirirlər.

Son illər silah alan ölkələrin siyahısında lider mövqeyə yüksələnlər arasında Mərakeş və Səudiyyə Ərəbistanı da var. Birləşmiş Ərəb Əmirlikləri, Misir, Əlcəzair və İsrail də sürətlə silahlanır.