ABŞ planı: Liviyada üsyançılar silahlandırılacaq

İngilis mətbuatı ABŞ-ın Liviya ilə bağlı planını açıqlayıb. Simsar.az -ın Türkiyə mətbuatına istinadən verdiyi məlumata görə, Pentaqon Körfəzdəki müttəfiqi Səudiyyə Ərəbistanından Liviyadakı üsyançıları silahlandırmasını istəyib. Səudiyyə Ərəbistanının isə gizli saxlanılan bu tələbə hələ cavab vermədiyi bildirilir. “The İndependent” qəzetinin jurnalisti Robert Fiskin iddiasına görə, birbaşa müdaxilədən qaçan Amerika əslində Qəddafi rejiminin devrilməsinin tərəfdarıdır. Əsas planın üsyançıları silahlandırmaq olduğunu yazan mətbuat ABŞ-ın bu planı Səudiyyə Ərəbistanının əli ilə edəcəyini vurğulayıb.
Mətbuat gizli planın 1980-ci illərdən tanış bir plan olduğunu və Əfqanıstanın işğalı zamanı Sovetlərin partizanları silahlandırmaq üçün də Səudiyyə dövləti ilə razılaşdığını xatırladıb.
Səidə Teyyubqızı