"Müxalifətin hakimiyyəti bir həftə çəkər"

Simsar.az -ın məlumatına görə, Yəmən dövlət başçısı Əli Abdulla Saleh belə bir bəyanatla çıxış edib. O, hakimiyyətdən gedəcəyi təqdirdə tayfalar arasında tarazlığın pozulacağını və daxili savaşın başlayacağını bildirib. Abdulla Yəməni idarə etməyi “ilanların başları üzərində rəqs etmək” kimi xarakterizə edib. 

2013-cü ildə səlahiyyət müddəti başa çatan dövlət başçısı növbəti seçimlərdə özünün və oğlunun namizədliyini irəli sürməyəcəyini bildirsə də müxalifət koalisiyası onun 6 ay ərzindən postundan imtina etməyi tələb edib.

Son məlumatlara görə isə, Yəmən ordusu ölkənin şimalında hökumət əleyhinə çıxış edən şiə nümayişçilərə qarşı raketlə hücuma keçib. Paytaxt Sənanın 170 kilometrliyində baş verən hadisə zamanı 2 nəfər ölüb, 7-si isə yaralanıb.

Səidə Teyyubqızı