Azərbaycan - Ermənistan silahlı qüvvələrinin təmas xəttinə yaxın ərazilərə getməkdən çəkinməyə də çağırıb

Macarıstan Xarici İşlər Nazirliyinin saytında yerləşdirilmiş məlumatda ölkə vətəndaşlarına Azərbaycanın müvafiq rəsmi qurumlarına qabaqcadan məlumat vermədən işğal altında olan Azərbaycanın Dağlıq Qarabağ bölgəsinə və onun ətrafındakı ərazilərə səfər etməmək tövsiyə olunur. 

Azərbaycanın Macarıstandakı səfirliyinin mətbuat xidmətindən Lent.az-a verilən məlumata görə. Macarıstan Xarici İşlər Nazirliyi eyni zamanda Macarıstan vətəndaşlarını Azərbaycan - Ermənistan silahlı qüvvələrinin təmas xəttinə yaxın ərazilərə getməkdən çəkinməyə çağırıb.

Macarıstan indiyə qədər müxtəlif səviyyələrdə Dağlıq Qarabağı Azərbaycanın ayrılmaz tərkib hissəsi saydığını və münaqişənin dinc yolla, Azərbaycan Respublikasının suverenliyi və ərazi bütövlüyü nəzərə alınmaqla həllinə tərəfdar çıxdığını bəyan edib.