Avropa Şurasının Bakı ofisinin rəhbəri vəzifəsinə namizədin adı artıq məlumdur.

Bu, Yunanıstanın AŞ yanında keçmiş daimi nümayəndəsi, səfir Konstantin Qerokostopulosdur. Bu barədə Trend-ə çərşənbə günü AŞ-dəki mənbədən məlumat verilib.

Konstantin Qerokostopulos 1994-cü ildə Avropa İttifaqının Yuqoslaviyadakı müşahidəçi missiyasının (ECMM) başçısı, 1995-1998-ci illərdə isə Yunanıstanın Xorvatiyada, 2000-2004-cü illərdə isə İtaliyada səfiri vəzifələrində çalışıb. O, 2004-2008-ci illərdə Yunanıstanın AŞ yanındakı daimi nümayəndəsi olub. 2008-ci ildə Avropa Şurası baş katibinin Serbiyadakı xüsusi nümayəndəsi vəzifəsində çalışıb.

AŞ-də işlədiyi müddətdə Konstantin Qerokostopulos təcrübəli və təmkinli diplomat kimi tanınıb.