Ərdoğan və Əsəd Misirlə bağlı birgə hərəkət edəcək
İki lider Livanın da təhlükəsizliyə, sabitliyə və rifaha qovuşması üçün mümkün olan hər cür səyi göstərəcəklərini bildiriblər Türkiyənin baş naziri Rəcəb Tayyib Ərdoğan Suriya-Türkiyə Dostluq Su Anbarının təməl atma mərasimindən sonra qonşu ölkənin prezidenti Bəşər Əsədlə bir araya gəlib. Lent.az-ın “trt.net.tr” saytının Azərbaycan versiyasına istinadən verdiyi məlumata görə, görüşdən sonra verilən yayılan açıqlamada qeyd olunub ki, iki lider əməkdaşlığın davamı və regional problemlərlə bağlı yüksək səviyyəli və şəffaf dialoqun əhəmiyyətli olacağını vurğulayıb. İqtisadi əməkdaşlığın gücləndirilməsinin Türkiyə və Suriya xalqları ilə yanaşı, bölgə xalqlarının sabitliyi və təhlükəsizliyi üçün önəmli olduğu qeyd edilib. Rəcəb Tayyib Ərdoğan və Bəşər Əsəd Misir xalqının tələb və gözləntilərinin qarşılanması və yeni ağrı-acıların qarşısının alınması üçün birgə səy göstərmək qərarına gəlib. İki lider Livanın da təhlükəsizliyə, sabitliyə və rifaha qovuşması üçün mümkün olan hər cür səyi göstərəcəklərini bildirib.
7 Fevral, 2011 22:15 ⁄ Baxılıb: 1735
Bu bölmədə23 Aprel, 2024 Aİ İrana qarşı sanksiyalarını davam etdirir1 Mart, 2024 Zelenskinin Ermənistana səfəri baş tutmayacaq22 Noyabr, 2022 Putin Soltanovskiyi vəzifəsindən azad etdi25 Oktyabr, 2022 Britaniyanın yeni Baş naziri vəzifəsinin icrasına başladı |