Türkiyənin “Qalatasaray” klubunun baş məşqçisi George Hacı futbolçu olduğu dövrdə oyun vaxtı hakimin üzünə tüpürdüyü üçün 15000 lirə (7500 manat) cərimələnib.

Hadisə 10 mart 2001-ci ildə “Qalatasaray” və “Gənclərbirliyi” komandaları arasında keçirilmiş qarşılaşmada baş verib. 

Hacı ona qırmızı vərəqə göstərən referi Erol Ersoya tüpürüb. Ersoy isə onu məhkəməyə verib. Məhkəmə 2011-ci il yanvarın 31-də hökm verib. Hacı haqsız yerə iki sarı vərəqə aldığını iddia edərək, baş hakimə tüpürmədiyini, onun ayağını tapdalamadığını və meydançada söymədiyini bildirib. Lakin məhkəmə 15000 lirənin 10 mart 2001-ci ildən etibarən faizi ilə birgə ödənilməsinə dair qəti qərar verib.