Ermənistandan Azərbaycana deportasiya olunan azərbaycanlılarla bağlı ayrıca qanun qəbul olunmasına ehtiyac var.

Parlamentin bu gün keçirilən iclasında spiker Oqtay Əsədov bildirib. O. Əsədov deyib ki, bu məsələyə baxılmalı və layihə hazırlanmalıdır. 

Spiker qeyd edib ki, vaxtilə Gürcüstanda Axısxa türkləri ilə bağlı da analoji qanun qəbul edilib və Gürcüstan Avropa Şurasına daxil olarkən götürdüyü öhdəliklərdən biri Axısxa türklərinin ölkəyə geri dönmələrinin təmin olunması ilə bağlı olub.