MONTİN KÖÇÜRÜLÜR?
Sakinlər gümanla danışır, rəsmilər isə yox deyir Bakı şəhərinin mərkəz yerlərindən biri, Nərimanov rayonunun Montin qəsəbəsində yerləşən həyət evlərinin köçürülməsi gözlənilir. Bu rəsmi məlumat olmasa da, qəsəbə sakinləri bildirirlər ki, təxminən bir ilə kimi Montində yerləşən evlər Əzizbəyov metrostansiyası ətrafında tikilən binalara köçürüləcək. Sakinlərlə söhbət zamanı məlum oldu ki, artıq onlar evlərinə veriləcək kompensasiyanın miqdarını müzakirə edirlər. Bəziləri Əzizbəyov metrosu yaxınlığındakı binalara köçməyi istəsə də, bəziləri bununla razılaşmır. Montində Şahin Mustafayev küçəsinin sakini Sevinc Bağırova bildirir ki, o bina evinə köç etməyə razıdır: «Düzdü bir aydan çoxdur ki, bizim evlərin köçürüləcəyini, Əzizbəyov metrosu yaxınlığındakı bina evlərindən bizə mənzil veriləcəyini deyirlər. Öz aramızda da bununla bağlı söhbətlər edirik. Amma dəqiq olmadığına görə içərimizdə şübhələr var. Köçürülsəydi təbii ki yaxşı olardı. Artıq bezmişik bu həyət evlərində yaşamaqdan. Buradakı evlər heç həyət ev idə deyil. Sovetlər vaxtında alman stili ilə tikilmiş evlərdir ki, bura da iç-içədir. Evə bir qonaq gələndə darısqallıq olur. Əzizbəyov metrosu yanı Montin olmasa da, hər halda pis deyil. Yəni o mənada ki, Montin şəhərin mərkəzidir». Nurbala kişi isə əgər Əzizbəyov metrosu tərəflərdə ev verilərsə, ora getməyəcəyini deyir: «Evlərimizin plana düşməsinə, sökülməsinə, bizlərin köçürülməsinə qarşı deyiləm. Amma bu gün mənim 3 otağa düzəltdiyim həyət evimi əlimdən alıb, bir otaqlı bina evi verərlərsə, bu artıq ədalətsizlik olardı. Yəxşı olar ki, keçmiş Basin küçəsindəki kimi mənzillərin yerləşdiyi hər kvadratmetrə 1500-2000 manat verilsin, biz də istədiyimiz yerdən ev ala bilək. Mənim, yoldaşımın işi, övladlarımın məktəbi Nərimanovla, Montinlə bağlıdır. Evimizi sökəcəklərsə, kompensasiyanı pula etsinlər, mən də gedim Montindəki bina evindən ev alım. Bu daha ədalətli olardı».
26 Yanvar, 2011 21:51 ⁄ Baxılıb: 2335
Bu bölmədə18 Aprel, 2024 Ağcabədi rayonunun 110 min manatlıq yolu... FOTO18 Aprel, 2024 “WhatsApp”da yeni funksiya var17 Aprel, 2024 Hadı Rəcəbli vəfat etdi15 Aprel, 2024 Çingiz Abdullayevin səhhəti ilə bağlı vəziyyət açıqlanıb |