Paytaxt ərazisində piyadanın ölümü ilə nəticələnən yol qəzası baş verib.

Bakı Şəhər Baş Polis İdarəsindən Simsar.az xəbər portalına verilən məlumata görə, yol qəzası yanvarın 25-i saat 07:40 radələrində Ə.Rəcəbli küçəsində qeydə alınıb. 

Bakı şəhər sakini Fuad Quliyev idarə etdiyi “Mercedes” markalı avtomobillə Sərxan Hüseynovu vurub. Piyada aldığı xəsarətlərdən hadisə yerində ölüb.

Faktla bağlı Cinayət Məcəlləsinin 263.2-ci (yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin ölmünə səbəb olma) maddəsi ilə cinayət işi başlanıb.