Simsar.az | bizi özünüzə Simsar bilin
TƏCRİDXANADAN QAÇANLARIN ADLARI BİLİNDİ

Göyçay rayon Polis Şöbəsinin təcridxanasından qaçan şəxslərin adları məlum olub.

Onlar 1987-ci il təvəllüdlü Elşən Eminov və 1986-cı il təvəlllüdlü Xəyal Əsgərovdur. Hazırda Göyçay rayonu ərazisində postlar qurulub və axtarışlar davam etdirilir. Hər iki şəxsin barəsində Cinayət Məcəlləsinin 304-cü (azadlıqdan məhrum etmə yerindən, həbsdən və ya mühafizə altından qaçma) maddəsi ilə əlavə cinayət işi başlanıb. 
Qeyd edək ki, hüquq-mühafizə orqanlarından APA-ya verilən məlumata görə, dünən gecə Göyçay rayon Polis Şöbəsinin müvəqqəti saxlanma təcridxanasında saxlanılan iki nəfər polis naryadına müqavimət göstərərək oradan qaçıb. Hadisə ilə bağlı əməliyyat qrupu yaradılıb.
Göyçay Rayon Polis Şöbəsindən APA-ya faktı təsdiqləyiblər. Bildirilib ki, qaçan şəxslərdən biri Cinayət Məcəlləsinin 177-ci (oğurluq), digəri isə 234-cü (narkotik vasitələrin qanunsuz dövriyyəsi) maddəsi ilə təqsirləndirilərək saxlanılan şəxslər olub.

25 Yanvar, 2011  22:27 Baxılıb: 2031

Bu bölmədə