Göyöskürək, bakterial dizenteriya, quduzluq və tənəffüs orqanlarının vərəmi...

Bu ilin əvvəlinə Azərbaycanda 33 min həkim və 63,5 min orta tibb işçisi çalışan 760 xəstəxana və 1 694 ambulatoriya-poliklinika müəssisəsi fəaliyyət göstərib. Ölkə əhalisinin hər 10 min nəfərinə 37 həkim və 71 orta tibb işçisi düşüb.

Dövlət Statistika Komitəsindən «APA-ECONOMICS»ə verilən məlumata görə, ötən il qeydə alınmış xəstəliklər arasında tənəffüs orqanlarının, yoluxucu və parazitar, həzm orqanlarının və qan dövranı sisteminin xəstəlikləri üstünlük təşkil edib. Ötən ilin yanvar-noyabr aylarında ölkədə epidemik parotit ilə xəstələnənlərin sayı – 47%, viruslu hepatit ilə - 35%, sifilis ilə xəstələnənlərin sayı isə 23% azalıb, difteriya, qızılca, anadangəlmə məxmərək və yeni doğulmuşlarda tetanus xəstəlikləri qeydə alınmayıb. Bununla belə, göyöskürək, bakterial dizenteriya, quduzluq və tənəffüs orqanlarının vərəmi ilə xəstələnənlərin sayı bir qədər artıb.