Cezmi Yurtsever: “Sultan Süleyman serialı izləsəydi utancından kimsənin üzünə baxa bilməzdi” 

ABŞ prezidenti Barak Obamanın türk olduğunu iddia edən tarixçi Cezmi Yurtsever "Muhteşem Yuz Yıl" serialında Qanuninin cinsi təcavüz səhnəsinə sərt etiraz edib.

Simsar.az ensonhaber.com saytına istinadən xəbər verir ki, “Muhteşem Yuz Yıl” serialı ziddiyyətlərlə doludur. Tarixçi alim Qanuni dövrünün hadisələrini əks etdirən "Muhteşem Yuz Yıl" serialında baş verənlərin tarixdə olanlarla əhəmiyyətli fərqin olduğunu bəyan edib. O qeyd edib ki, əgər Sultan Süleyman yaşasaydı və öz dövrünü izah edən “Muhteşem Yuz Yıl” serialını izləsəydi, utancından kimsənin üzünə baxa bilməzdi.

Qanuni dövrünə aid qanun mətnlərini tapdığını deyən Yurtsevər bildirib ki, Osmanlı arxivində Hürrem Sultan ilə əlaqədar araşdırmalarda da çaşdırıcı məlumatlara rast gəlib: “İslam dininin yayıldığı Hicaz bölgəsi və İslam Peyğəmbəri Hz. Məhəmmədin Meraca yüksəldiyi Məscidi Aksa yaxınlığında reallaşdırdığı xeyirxah xidmətlərindən serialda ümumiyyətlə bəhs edilmir. Halbuki “Muhteşem Yüz Yıl” da Hurrəm barədə göstərilənlər şeytani hərəkətlərdir. Süleymaniyyə Camisindəki türbəsində yatan Xürrəm sultanın sümükləri buna görə sızlayır”.

Aynurə