“Hangouts” funksiyaları olan mobil əlavə də işə salınıb

“Google+” administrasiyası sosial şəbəkədə bütün arzu edənlər üçün qeydiyyatdan keçməyə imkan yaradıb.Rabitə və İnformasiya Texnologiyaları Nazirliyinin verdiyi məlumata görə, bu il iyunun 28-də işə salınan sosial şəbəkədə qeydiyyatdan keçmək imkanı bağlı olub.

Yeni qeydiyyata düşmək üçün artıq qeydiyyatdan keçmiş istifadəçinin dəvətini gözləmək lazım gəlib. Açıq qeydiyyat “Google+”-un ötən 3 ay ərzində yaxşılığa doğru atdığı addımların sayına görə yüzüncü olub. Son yeniliklər arasında axtarışın filtrasiyası və qrup şəklində olan “Hangouts video zənglər servisinin funksiyalarının genişləndirilməsi də qeyd olunur.

Bundan başqa, “Google” şirkəti mobil qurğular, xüsusən də “Android” əməliyyat sisteminin bazasında işləyən qurğular üçün “Hangouts” funksiyaları olan mobil əlavəni də işə salıb.