Müğənni davranışında kobudluq edib

Kiprdəki otelllərdən birində səhnəyə çıxan türkiyəli müğənni Bülənt Ərsoy jurnalistlərə və tamaşaçılara sataşdığına görə, rəhbərlik tərəfindən qaldığı oteldən qovulub.

Simsar.az saytının ensonhaber.com-a istinadən verdiyi məlumata görə, sənətçi səhnədə bir qadın tamaşaçının yoldaşına baxaraq, "Sizin yoldaşınızı nə edim? Hamısının ahı getmiş vahı qalmış” deyib.

Daha sonra müğənni ilə jurnalistlər arasında qalmaqal yaşanıb. O, jurnalistlərə "Mən Səhnədəykən yalnız üç kamera gördüm, digərləri harada idi" deyə soruşub. Jurnalistlərdən biri isə “otelin dəhlizində idik, bizi yəqin görməmisiniz” - deyə cavab verib. Cavabın ardından Ərsoy qiyamət qoparıb: “Hörmətsiz! Sən kimsən ki, məni yalançılıqda suçlayırsan!”

Otel rəhbəri təlimat verib ki, qalmaqal iştirakçıları ərazidən uzaqlaşdırılsın: “Otelimiz nə Bülənt Ərsoyu, nə də jurnalistləri görmək istəmir”-deyən otel rəhbəri müğənnini və jurnalistləri qovdurub.


Aynurə