Aktirisa barəsindəki şayiələri təkzib etdi

"Bred Pittlə evlənmirik. Artıq övladlığa uşaq götürməyəcəyik". Hollivudun ən cazibədar qadını Ancelina Coli evliliyi, hamiləliyi və sairə barədə yayılan şayiələrlə bağlı ilk dəfə "Vanity Fair"ə danışıb. Aktrisa özünü rejissorluğa həsr etdiyini deyib. O, nə televizor izlədiyini, nə də qəzet oxuduğunu deyib. Ən çox diqqət mərkəzində olan aktrisa həyatı ilə bağlı ən maraqlı sualları cavablandırıb.

36 yaşlı Coli birlikdə yaşadığı və 3-ü doğma, 3-ü övladlıq olan uşaqlarının atası olan sevgilisi Bred Pittlə münasibətlərini rəsmiləşdirmək niyyətində olmadıqlarını deyib.

Bosniyada müharibə illərində yaşananlar haqqında "Qan və Bal ölkəsi" adlı film üçün rejissor kreslosuna oturan aktrisa uğur qazanmamaqdan qorxduğunu deyib. O, bu istiqamətdə Bred Pittin ona böyük dəstək verdiyini deyib. "Karyeram ərzində başqalarının sözlərinin arxasında gizlənmişəm. Ancaq indi mənim sözlərim danışacaq".

Qeyd edək ki, Coli və Pitt cinsi azlıqlara evlənmək hüququ verilmədən ailə qurmağı düşünmədiklərini bildirmişdilər. Amerika mətbuatı isə cütlüyün uşaqların israrından sonra nigah masasına oturduğunu iddia edirdi.