İsrail istehsalı olan qurğu kəşfiyyat aparacaq

Türkiyənin də istifadə etdiyi pilotsuz “Heron” kəşviyyat təyyarəsinin yaradıcısı olan İsrail daha bir kəşfə imza atıb.

Burnu üstə enə və qalxa, əsgərlər tərəfindən rahatlıqla daşına bilən 4 kilo ağırlığında cəsus təyyarənin təqdimatı həyacanla izlənilib.

Simsar.az Türkiyə mətbuatına istinadən bildirir ki, qısa adı GHOST olan miniatur təyyarə hətta gecə vaxtı sərbəst hərəkət edə bilir.

İsrail Hava Müdafiə Sənayesi tərəfindən istehsal olunan təyyarə kompyüter vasitəsilə idarə olunur.

Səs çıxarmayan təyyarə yarım saata yaxın havada qala bilir.

Qeyri-hərbi məqsədlər üçün də istifadə oluna bilən təyyarə ABŞ-ın paytaxtı Vaşinqtonda təşkil olunan sərgidə nümayiş olunub.

RAMİL